Grunnskólinn á Stöðvarfirði

Á fyrstu skólaárum barns er lagður grunnur að skólagöngu þess. Því er mikilvægt að þjálfa skólafærni nemenda í fyrstu bekkjunum. Með skólafærni er átt við umgengni, samskipti og vinnubrögð. Nemandinn þarf m.a. að læra að fara eftir reglum skólans og fyrirmælum starfsfólks, sýna skólafélögum sínum tillitsemi í leik og starfi, læra að umgangast eigur sínar, skólans og félaga sinna. Hann þarf að geta setið kyrr, rétt upp hönd til að fá orðið, hlustað á aðra og tjáð sig skilmerkilega. Hann þarf að læra að vinna skipulega, ljúka verkefnum sínum, virða vinnu sína og annarra, vinna í hópstarfi og taka réttmæta ábyrgð á námi sínu.

Íslenska

Markmið

Sjá aðalnámskrá fyrir íslensku á síðu Menntamálaráðuneytisins

Talað mál og hlustun

Áfangamarkmið við lok 4. bekkjar

Nemandi á að:

• hafa skýran og áheyrilegan framburð
• hafa lesið, leikið eða sungið texta af ýmsum gerðum
• geta endursagt ýmiss konar texta eða frásagnir
• vera fær um að tjá sig frammi fyrir hópi og standa fyrir máli sínu
• geta sagt frá eftirminnilegum atburðum
• hafa tileinkað sér þær reglur sem gilda í samræðum
• geta fylgt fyrirmælum
• hafa hlustað á upplestur, sögur, leikrit og ljóð
• hafa horft á leikþætti og söngatriði á sviði eða af myndbandi
• þekkja fróðleik, svo sem þulur og þjóðsögur

Leiðir: Framsögn, stuttir leikþættir og spuni, bekkjarfundir, hlustun, upplestur þjóðsagna og þula og myndræn úrvinnsla.

Lestur og bókmenntir

Áfangamarkmið við lok 4. bekkjar

Nemandi á að:

• geta lesið sér til gagns og gamans, hátt og í hljóði
• geta valið sér bækur eftir áhugasviði og lesið sögur og ljóð sér til ánægju
• kunna að afla sér upplýsinga úr bókum og af Netinu
• þekkja hugtökin söguþráð, sögupersónur og boðskap
• hafa kynnst fjölbreyttum textum, innlendum og erlendum, fornum og nýjum
• þekkja nokkur hugtök í bragfræði svo sem kvæði, þulu, vísu, ljóðlínu og erindi
• þekki nokkur ljóð og hafa flutt þau fyrir aðra
• geta lesið úr myndrænu efni, svo sem kvikmyndum fyrir börn, einföldum skýringarmyndum og kortum

Leiðir:

Vinnubækur, einstaklings- og hópverkefni, einstaklings- og hópinnlagnir, umræður, sögu- og ljóðalestur, leikir, spil, þrautir, kynningar.

1. – 2. bekkur

Kennari:

Guðrún Ármannsdóttir

Markmið:

Að nemandi

• nái tökum á undirstöðuatriðum lestrar, þekki stafina, hljóð þeirra og tákn
• lesi stutt orð og léttan texta
• fari eftir rituðum fyrirmælum og lesi sér til ánægju (frjáls lestur)
• verði byrjaðir að lesa í vetrarlok

Lestrarnámið verður undirbúið með verkefnum sem leggja áherslu á ýmsa færni sem er forsenda lestrarnámsins. Við lestrarkennsluna verða notuð jöfnum höndum stafa- og hljóðaaðferðin eða sú aðferð sem hentar hverjum nemanda best.

Námsefni:

Við lesum A ásamt vinnubók. Fimm vinir og vinnubók. Það er leikur að læra, vinnubók. Listin að lesa og skrifa. Markviss málörvun. Stafaspjöld og ýmis verkefni til að æfa hljóðkerfisvitund. Léttlestrarbækur til að skoða og lesa. Nem. hvattir til að fara á bókasafnið og fá sér bækur við hæfi.

Námsmat: Símat, fylgst verður stöðugt með framvindu lestrarnámsins. Lagðar verða fyrir lestraræfingar sem fylgja 1. hefti lestrarbókarinnar Við lesum. Lagt verður fyrir teikniverkefni Tove Krogh og skimunarprófið Læsi.

3. – 4. bekkur

Kennari:

Guðrún Ármannsdóttir

Markmið:

Að nemandi:

• lesi texta við hæfi, skýrt og áheyrilega með eðlilegum áherslum og hraða
• svari spurningum úr texta
• lesi sér til ánægju upphátt eða í hljóði
• lesi og vinni úr bundnu máli
• geti nýtt sér: stafróf, efnisyfirlit, súlurit og töflur
• lesi fyrirmæli og fari eftir þeim
• dragi ályktanir út frá texta og greini aðalatriði frá aukaatriðum
• kynnist ljóðum valinna íslenskra rithöfunda
• geri sér grein fyrir hugtökum eins og söguþráður og sögulok

Námsefni:

Nemendur lesa ýmsar lestrarbækur sem henta lestrargetu hvers og eins. Nemendur verða einnig hvattir til að fá sér bækur á bókasafninu og lesa sjálfir. Valdar eru bækur sem henta hverjum og einum nemanda. Nemendur lesa ljóð eftir íslenska höfunda.

Námsmat:

Símat, reglulegar kannanir sem byggjast m.a. á lesskilningi, leshraða og framburði.

Mikilvægt er að börnin lesi heima á hverjum degi og að foreldrar /forráðamenn fylgist með heimalestrinum og kvitti fyrir lesturinn.

Skrift

1. – 2. bekkur

Kennari:

Guðrún Ármannsdóttir

Markmið:

Að nemandi

• haldi rétt á skriffæri og dragi rétt til stafs
• þjálfi fínhreyfingar, réttar stafagerðir með forskrift og eigin texta

Námsefni:

Verkefnablöð í skrift af skólavefnum, síðan bækur þar sem forskriftin er gefin og ýmis önnur verkefni unnin af kennara.

Námsmat:

Umsögn í lok anna um frammistöðu í tímum og framfarir.

Skrift

3.-4. bekkur.

Kennari:

Guðrún Ármannsdóttir

Markmið:

• Að nemendi skrifi stafina rétt á línuna, hafi hæfilegt bil á milli stafa og orða.
• Að nemendi nái að tileinka sér skýra og læsilega skrift.

Námsefni:

Nemendur fá Skrift 2-5 frá Námsgagnastofnun og Skrift 2-3 eftir Hörð Rafnsson, Góður, betri, bestur 2-3 auk skriftarstrimla og gefinnar forskriftar frá kennara. Nemendur fá einnig ýmiss konar skriftarhefti. Nemendur fá aukaverkefni til uppfyllingar og tilbreytingar í náminu.

Námsmat :

Símat. Fylgst er reglulega með kunnáttu nemenda með könnunarverkefnum.

Ritun

Áfangamarkmið við lok 4. bekkjar

nemandi á að:

• geta skrifað skýrt og læsilega
• þekkja einfaldar stafsetningarreglur, svo sem um stóran staf á eftir punkti og í sérnöfnum og reglur um sérhljóð á undan ng og nk
• vera fær um að endursegja og skrifa eftir frásögn og upplestri
• hafa tjáð hugmyndir sínar og reynslu
• þekkja grunnþætti í byggingu texta, inngang, meginmál og niðurlag
• geta skrifað einfaldan texta á tölvu og hafa fengið leiðsögn um réttafingrasetningu
• hafa skoðað og skrifað margvíslega texta, svo sem frásagnir, dagbækur, sögur, ljóð og sendibréf

1.- 2. bekkur

Kennari:

Guðrún Ármannsdóttir

Markmið:

Að nemandi:

• semji texta við myndir, stuttar sögur og frásagnir
• geti lesið textann sinn sjálfur. Áhersla lögð á stóran og lítinn staf, rétt orðabil, sérhljóð og samhljóð.

Námsefni:

Sögubókin mín og ýmis ritunarverkefni.

Námsmat:

Símat, stöðugt fylgst með þróun ritunarinnar.

3. – 4. bekkur

Kennari: Guðrún Ármannsdóttir

Markmið:

Að nemandi:

• æfist í að semja sögur, ljóð og frásagnir. Nái tökum á persónusköpun, upphafi, miðju og endi
• læri að fara eftir nokkrum stafsetningarreglum, t.d. að hafa bil milli orða, noti stóran og lítinn staf, punkt, raðtölur, algengustu greinarmerki og upphafsstafi þar sem við á

Námsefni:

Sögubókin mín og ýmis ritunarverkefni, sögur til endursagnar.

Námsmat:

Símat, stöðugt fylgst með þróun ritunarinnar yfir önnina.

Málfræði

Áfangamarkmið

Við lok 4. bekkjar.

Nemandi á að:

• hafa öðlast jákvætt viðhorf til móðurmálsins með því að leika sér með það og nota tungumálið á margvíslegan hátt
• geta raðað í stafrófsröð
• þekkja helstu einingar tungumálsins, bókstafi, hljóð, orð, samsett orð og málsgrein þekkja mun á sérhljóðum og samhljóðum
• kunna að ríma og hafa öðlast tilfinningu fyrir hrynjandi orða
• átta sig á að íslenska er beygingamál
• hafa kynnst mismunandi hlutverkum nafnorða, lýsingarorða og sagnorða
• þekkja mun samnafna og sérnafna
• þekkja hugtökin samheiti og andheiti

3. – 4. bekkur

Kennari:

Guðrún Ármannsdóttir

Markmið:

Að nemendi:

• þekki hugtökin bókstafur, orð og setning
• geri sér nokkra grein fyrir orðflokkunum nafnorð, sagnorð og lýsingarorð, og átti sig á fallbeygingu nafnorða
• þekki og skilji: samheiti, andheiti, samnöfn, sérnöfn, sérhljóð, samhljóð, nafnorð (kyn, tala, fallbeyging), sagnorð (nútíð, þátíð) og lýsingarorð (stigbreyting)
• þjálfist í að búa til samsett orð og þekki algeng orðtök, málshætti, rím, orðaleiki og krossgátur
• fái tækifæri til að beita móðurmálinu á fjölbreyttan hátt

Námsefni:

Litla ritrún, Ritrún, Ás, Tvistur, Þristur, Málrækt 1 og ýmis verkefni af skólavefnum.

Námsmat:

Símat, kannanir og lokapróf í annarlok.

Stærðfræði

Markmið:

Sjá aðalnámskrá fyrir stærðfræði á síðu Menntamálaráðuneytisins

Áfangamarkmið við lok 4. bekkjar

Nemandi á að:

• geta lesið og skrifað tölur, einföld töluleg gögn og stærðfræðilegan texta, nánar tiltekið
• geta lesið og skrifað náttúrlegar tölur allt að 10.000
• geta lesið, notað og skrifað einföld almenn brot
• geta lesið og skrifað tugabrot með einum eða tveimur aukastöfum
• þekkja algeng stærðfræðihugtök og tákn fyrir þau, s.s. meira en, minna en, jafnt og, samlagningu, frádrátt, margföldun og deilingu og geta lesið og skrifað texta þar sem þau koma fyrir
• geta lesið úr einföldum töflum og súluritum og sett eigin gögn (t.d. niðurstöður athugana á umhverfi eða í sambandi við aðrar námsgreinar) upp í töflur og túlkað þau með skýringarmyndum og súluritum
• geta lesið með skilningi allan stærðfræðitexta í námsefni sínu
• geta gert sig skiljanlegan og tekið þátt í umræðum um stærðfræðileg efni, nánar tiltekið
• geta rætt við kennara og aðra, t.d. heimilisfólk sitt, um stærðfræðileg efni í því skyni að öðlast betri skilning, til dæmis með því að spyrja kennara spurninga
• geta nýtt sér stærðfræðileg hugtök og aðferðir við lausn verkefna í samvinnu við skólasystkin sín
• geta útskýrt munnlega eigin lausnir á verkefnum og notað tákn og skýringarmyndir eftir því sem við á þannig að þær verði skiljanlegar öðrum
• geta útskýrt og sett fram eigin lausnir skriflega og samið sögur út frá stærðfræðilegum verkefnum, bæði sínum eigin og annarra
• geta útskýrt og túlkað upplýsingar úr töflum og súluritum.

1. bekkur

Kennari:

Jóna Petra Magnúsdóttir

Markmið:

Að nemandi

• geti með hlutbundnum hætti byggt ofan á sinn eigin reynslu- og þekkingarheim. Að vinna þeirra og leikur þróist þannig að þeim verði tamt að styðjast við stærðfræðileg hugtök og að vinna að stærðfræðilegum viðfangsefnum
• vinni bæði einstaklingslega og í hópum

Námsefni:

Sproti 2b og æfingahefti 2b, Viltu reyna og ýmiss verkefni af vef.

Námsmat

Kannanir yfir veturinn. Í Sprota er námsmat sem nemendur vinna jöfnum höndum. Skrifleg umsögn eftir haustönn og vorönn.

2. bekkur

Kennari:

Jóna Petra Magnúsdóttir

Markmið:

að nemandi:

• geti nýtt sér plúsheiti talnanna 10 og 100
• efli skilning sinn á tölum frá 1 - 1000
• þekki oddatölur og sléttar tölur og raðtölur
• rifji upp hugtökin fleiri en, færri en og jafnt og
• öðlist tilfinningu fyrir líkindum og kynnist námundun
• átti sig á hvernig setja má tölur saman úr einingum og tugum og öðlist skilning á sætiskerfinu
• æfi samlagningu og frádrátt með tugum
• geti notað hundraðtalnatöflu við samlagningu og frádrátt
• noti vasareikni sem rannsóknartæki
• beiti ágiskun og sannreyni síðan
• beiti hugtökum eins og lengd, breidd
• átti sig á hugtökunum helmingur, helminga og tvöfalda og geti skipt heild í smærri hluta
• átti sig á speglun
• geti byggt eftir fyrirmynd
• átti sig á að árið er flokkað í árstíðir, mánuði, vikur og daga
• geri sér grein fyrir uppbyggingu dagatala og geti lesið úr þeim og skráð dagsetningar
• kynnist margföldun
• vinni með talnalínu til að fá tilfinningu fyrir uppbyggingu tugakerfisins

Námsefni: Sproti 2b og æfingahefti 2b, Viltur reyna og ýmiss verkefni af vef.

Námsmat:

Kannanir yfir veturinn. Í Sprota er námsmat sem nemendur vinna jöfnum höndum. Skrifleg umsögn og próf eftir haustönn og vorönn.

3.- 4. bekkur

Jóna Petra Magnúsdóttir

Markmið:

Að nemandi:

• þjálfist í að margfalda þriggja stafa tölu með eins stafs tölu og reikna einföld deilingardæmi
• þjálfist í að námundun að næsta tug eða hundraði til að einfalda reikning
• þjálfist í að leysa einföld orðadæmi og þrautir
• þjálfist í að lesa úr töflum og gröfum
• þjálfist í að ræða um stærðfræði, geri grein fyrir niðurstöðum sínum og sjái samhengið milli reikniaðgerða
• læri að vinna einn og í hópi
• þjálfist í að reikna í huganum, setja útreikning á blað, nota vasareikni, vog og önnur hjálpargögn
• þjálfist í að beita rannsóknaraðferðum með því að telja, skrá, flokka, safna tölfræðilegum gögnum og nota töflur þjálfist í að útskýra sögur, vinnu og rannsóknir með notkun stærðfræðilegra hugtaka og beri saman ólíkar leiðir við lausnir
• þjálfist í að leggja saman, draga frá, margfalda, deila, skoða mynstur, nota talnalínu og tugakerfi, að skipta lengd í hluta, vinna með námundun, flatarmálsmyndir, horn, bókstafi í stað talna, óþekkta stærð, vog og önnur mælitæki
• skilji 1%, 50% og 100%

Námsefni:

Sproti 2b æfingahefti 2b og meðfylgjandi verkefni af vef. Eining 7 auk verkefna þeim tengdum. Stærðfræði 3A . Viltu reyna, verkefni fyrir vasareikni, tíu – tuttugu, í undirdjúpunum. Ýmislegt efni af vefnum.

Námsmat:

Í Sprota er námsmat sem nemendur vinna jöfnum höndum. Kannanir yfir veturinn, próf og skrifleg umsögn eftir haustönn vorönn.

---

Samfélagsfræði / náttúrufræði

Markmið:

 

Sjá aðalnámskrá fyrir samfélagsgreinar á síðu Menntamálaráðuneytisins

Sjá aðalnámskrá fyrir náttúrufræði og umhverfismennt á síðu Menntamálaráðuneytisins

Kennarar:

Jóna Petra Magnúsdóttir og Guðrún Ármannsdóttir

Markmið:

Að nemandi:

• kynnist sögu mannkyns,vekja áhuga nemenda á því liðna.
• reyni að skilja hvernig líkaminn starfar.
• æfist í sjálfstæðum vinnubrögðum og samvinnu.
• geti aflað sér heimilda á mismunandi hátt t.d. úr bókum eða af netinu.

Nemendur læri um og öðlist vissan skilning á:

• Hringrás vatnsins, að sama vatnið er notað aftur og aftur.
• Að önnur efni eru á sambærilegum hringrásum og vatnið um veröldina.
• Að allar lífverur eiga sér ákveðna lífsferla sem ganga hring eftir hring eða í spíral.
• Að plöntur eru undirstaða lífs á jörðu og veita dýrum og mönnum bæði fæðu og súrefni.
• Að allt efni er samsett úr frumefnum sem eru á stöðugri ferð úr einu efnasambandinu í annað.
• Að í náttúrunni er í raun ekkert rusl, úrgangur frá einni lífveru er hráefni fyrir aðra.
• Að langmest af orku jarðar kemur frá sólinni og knýr ferla hennar.
• Að jörðin er ekki óendanlega stór heldur er hún takmörkuð að stærð og öll efni því til í takmörkuðu magni og þess vegna eru hringrásir efna nauðsynlegar.
• Að fólk verður að temja sér að lifa í samræmi við hringrásir náttúrunnar og t.d. endurnýta og endurvinna hluti.
• Meginmarkmiðið er þó að nemendur átti sig á að allt í umhverfi og náttúru er hvað öðru háð, hvergi er í raun upphaf eða endir frekar en í hringforminu.

Námsefni:

Komdu og skoðaðu sögu mannkyns, Komdu og skoðaðu líkamann, Um mig og þig, Komdu og skoðaðu hrignrásir, efni af/á vefnum um hringrásir o.fl. ítarefni.

 

Námsmat:

Áhugi og frammistaða í tímum. Verkefnamappa, skrifleg umsögn eftir haustönn og vorönn.

Kristinfræði

Markmið:

 

Sjá aðalnámskrá fyrir kristin fræði, siðfræði og trúabragðafræði á síðu Menntamálaráðuneytisins

ÁFANGAMARKMIÐ Í KRISTNUM FRÆÐUM, SIÐFRÆÐI OG TRÚARBRAGÐAFRÆÐI VIÐ LOK 4. BEKKJAR

Nemandi á að

• þekkja grundvallargildi kristilegs siðgæðis og hafa fengist við efni sem stuðlar að ábyrgðartilfinningu, sáttfýsi og virðingu fyrir sjálfum sér og öðrum
• kunna skil á Biblíunni sem trúarbók kristinna manna og þekkja vel nokkrar mikilvægar frásagnir af Jesú Kristi og kenningu hans, svo og öðrum persónum í Biblíunni, bæði í Gamla og Nýja testamentinu
• hafa fengið tækifæri til að kynnast kristnu helgihaldi og umgjörð þess og tamið sér virðingu fyrir því sem öðrum er heilagt
• þekkja helstu hátíðir kristninnar og siði og tákn sem tengjast þeim
• þekkja kirkjuhúsið, helstu tákn, kirkjulegar athafnir og starf kirkjunnar í heimabyggð
• hafa kynnst listrænni tjáningu trúar og fengið tækifæri til listrænnar tjáningar eigin hugmynda
• hafa kynnst öðrum trúarbrögðum, svo sem gyðingdómi, íslam, búddadómi og hindúasið, lífsviðhorfum og menningu, m.a. með frásögnum af jafnöldrum
• hafa kynnst helgihaldi, siðum og nokkrum hátíðum helstu trúarbragða heims
• hafa fengist við siðræn viðfangsefni sem tengjast vináttu, fyrirgefningu, umburðarlyndi, jafnrétti og nærgætni

Kristinfræði

Kennari:

Jóna Petra Magnúsdóttir

Markmið:

• að nemendur fræðist um kristna trú, einkum um Jesú Krist og kenningar hans.
• að nemendur skilji hvað felst í orðunum kærleikur, sáttfýsi, umhyggja og virðing
• fjallað um helstu daga kristinnar trúar og verkefni unnin tengd þeim.

Námsefni:

Biblía litlu barnanna.Ýmsar bækur og rit.

Námsmat:

Kannanir, verkefnamappa og áhugi og frammistaða í tímum. Skrifleg umsögn eftir haustönn og vorönn.

---

Bekkjarfundir.

Kennari:

Jóna Petra Magnúsdóttir

Markmið:

• að skapa öruggara andrúmsloft meðal nemenda, þar sem traust og samvinna ríkir meðal þeirra sem taka þátt í fundinum.
• virða skoðanir annarra
• tillitssemi.

Námsefni:

Stuðst við ýmsar kennslubækur og efni í lífsleikni. Daglegt líf barnanna.

Námsmat:

Skrifleg umsögn eftir haustönn og vorönn um virkni nemenda.

---

Enska

Markmið:

Sjá aðalnámskrá fyrir erlend mál á síðu Menntamálaráðuneytisins

Kennari:

Guðrún Ármannsdóttir

Markmið

• Að nemendur hafi jákvætt viðhorf til tungumálsins.
• Að nemendur skilji einfalt talað mál og geti tjáð sig á einfaldan hátt.
• Að nemendur læri enska söngva.
• Að nemendur þjálfist í enskum framburði.

Námsefni:

Let´s go nemendabók og vinnubók. Right on, enska fyrir yngsta stig.

Námsmat:

Próf hjá 3. – 4. bekk og umsögn eftir haustönn og vorönn um frammistöðu og virkni í tímum.

---

Tónmennt

Markmið:

Sjá aðalnámskrá fyrir listgreinar á síðu Menntamálaráðuneytisins

Áfangamarkmið í tónmennt við lok 4. bekkjar

Yngsta stig (1.–4. bekkur)

Nauðsynlegt er að hefja strax á þessu aldursstigi skipulega uppbyggingu tónlistarnáms. Lög og textar þurfa að höfða til nemenda og tengjast hugarheimi þeirra. Áhersla skal lögð á fjölbreytta nálgun þar sem nemendur þjálfa leikni og læra jafnhliða um frum- og efnisþætti tónlistarinnar og þau grunnhugtök sem nýtast við að fjalla um tónlist og tengja hana sögulegu og félagslegu samhengi. Á þessu stigi eru kynntir inntaksþættir tónlistarinnar en á eldri stigum eru þeir dýpkaðir.

Frum-, efnis- og leikniþættir

Kennari:

Jóna Petra Magnúsdóttir

Markmið:

m.a. að vekja og efla áhuga á tónlist með því að veita nemendum tækifæri til

• að iðka hana, njóta hennar og taka þátt í skapandi starfi.
• að nemendur læri innlend og erlend sönglög svo og hreyfisöngva.
• að nemendur vinni með takt og geri mun á hröðum og hægum takti og læri einnig að gera greinamun á háum, lágum, sterkum og veikum tónum.
• þroska og efla tónskyn, sköpunargáfu og aðra tónlistarhæfileika nemenda og auka næmi þeirra fyrir tónlist.
• að þjálfa sviðsframkomu og gefa nemendum tækifæri til að koma fram.
• að nemendur þjálfist í hlustun.

Námsefni:

Það var lagið, Syngjum saman, Töfrakassinn - tónlistarleikir. Nýtt söngvasafn. Einnig verður hlustað á tónlist og horft á myndbönd.

Námsmat:

Skrifleg umsögn gefin eftir haustönn og vorönn.

---

Upplýsingatækni

Kennari:

Jóna Petra Magnúsdóttir

Markmið:

Sjá aðalnámskrá fyrir upplýsinga- og tæknimennt á síðu Menntamálaráðuneytisins

Að nemendi

• þjálfist í að umgangast tölvur
• myndi jákvætt viðhorf til tölva
• þekki helstu hluta tölvunnar
• geti farið á netið og leitað sér einföldustu upplýsinga
• kunni eitthvað til fingrasetningar

Námsefni:

Ritfinnur, Fingrafimur, word og ýmislegt efni á vefnum.

Námsmat:

Skrifleg umsögn eftir haustönn og vorönn.

---

Myndmennt

Kennari :

Jóna Petra Magnúsdóttir

Sjónræn upplifun er stór þáttur skynjunar og skilnings mannsins á heiminum enda bendir flest til þess að hann hafi allt frá upphafi vega myndgert líf sitt og umhverfi í margvíslegum tilgangi. Myndir hafa sitt eigið tungumál, myndmál, og maðurinn hefur alla tíð notað myndir sem boðtæki þeirra hluta sem ekki er hægt að lýsa á annan hátt. Myndmál miðlar viðhorfum, skoðunum og hugmyndum samfélagsins ekki síður en tungumál.

Á yngsta stigi er nauðsynlegt að hefja strax skipulega uppbyggingu myndmenntanáms. Æskilegt er að tengja viðfangsefnin nánasta umhverfi og hugarheimi barnanna. Sjálfsgagnrýni er yfirleitt lítil en tjáningarþörfin rík. Leggja skal áherslu á fjölbreytt vinnubrögð og margháttaða myndfrásögn. Nemendur fái að kynnast sem flestum tegundum efna og áhalda og læri um ýmis grunnhugtök listarinnar.

Við lok 4. bekkjar ættu nemendur að geta unnið fjölbreytt myndverk, í ýmis efni og með margvíslegum áhöldum í gegnum teiknun, málun, mótun, klippimyndir og þrykk. Þeir eiga að þekkja grunnlitina og geta blandað einfaldar litablöndur. Grunnformin, tvívíð og þrívíð eiga þeir að þekkja. Skilja hugtökin, forgrunnur, bakgrunnur og miðrými og geta nýtt sér við myndgerð.

Markmið:

Sjá aðalnámskrá fyrir listgreinar á síðu Menntamálaráðuneytisins

Námsmat:

Öll verkefni eru metin jafnóðum og tekið mið af vinnubrögðum, frumleika, samvinnu og viðhorfi til námsins. Nemendur fá bæði umsagnir og einkunnir.

---

Hönnun og smíði yngsta stig.

Í vetur mun verða kennt í fimm vikna lotum. Heimilisfræði er kennd á móti Hönnun og smíði. Þetta verða því ca. þrjú skipti sem yngsta stigið er í Hönnun og smíði og verða verkefni valin sem hæfa þeim tíma.

 

Sjá aðalnásmskrá grunnskóla fyrir hönnun og smíði

Námsmat:

 

Metið er þrisvar fyrir áramót og þrisvar eftir áramót og er nemendum gefin meðaleinkun út frá því.

---

Textílmennt

Kennari:

Jóhanna Margrét Aganrsdóttir

Námsefni og gögn.

• Textílbækur og blöð.
• Efni og áhöld úr textílmenntastofunni.

Markmið

Að nemandinn

• · þjálfist í að klippa út form og vinni með tvöfalt efni, klippi og saumi saman
• þjálfist í að nota flatt form
• þræði grófa nál og saumi þræðispor
• saumi nokkur einföld útsaumsspor
• læri að ganga frá enda
• þjálfist í að sauma saman tvö stykki með þræðispori
• þjálfist í að vinna með eigin teikningu
• þæfi ullarkembur og/eða ullarefni
• geri sér grein fyrir textílvinnuferli, þ.e. hvernig lítil hugmynd verður að fullunnum hlut
• þekki frumlitina
• teikni eftir fyrirmælum og búi til einfalt snið
• noti útsaum til skreytingar
• fari yfir helstu hluta saumavélar, saumi einfaldar línur á saumavél
• tileinki sér nokkur hugtök textílgreinarinnar

---

Heimilisfræði

Kennari: Jóhanna Margrét Agnarsdóttir

Markmið

Að nemendur kynnist eldhúsinu og heimilisfræðinni sem námsgrein. Unnið verður með auðveldar uppskriftir og lögð áhersla á samvinnu.

Helstu umgengnisreglur í eldhúsinu kynntar og lögð áhersla á mikilvægi þess að vera hrein og snyrtileg. Fæðuhringurinn er kynntur fyrir nemendum og þeim gerð grein fyrir mikilvægi þess að borða fjölbreytt fæði.

Lögð er áhersla á heilbrigða lífshætti, mataræði og góða borðsiði. Nemendum er kennt að leggja á borð og fá að vinna eftir einföldum uppskriftum. Slysahætta á heimilum er einnig tekin fyrir.

Að nemendur fræðist um heilbrigða lífshætti og næringarefnin í fæðunni. Einnig verður fjallað um persónulegt hreinlæti og mismunandi flokka örvera. Rætt verður um hvernig nemendur geta sjálfir útbúið einfalda rétti heima, bæði fyrir sjálfan sig og aðra.

Námsefni:

Heimilifræði fyrir byrjendur (Námsgagnastofnun).

Hollt og gott ( Heimilisfræði fyrir 2.bekk),Námsgagnastofnun.

Hollt og gott (Heimilisfræði fyrir 3.bekk),Námsgagnastofnun

Hollt og gott (Heimilisfræði fyrir 4.bekk), Námsgagnastofnun

Námsmat:

Vinna,hegðun og frágangur nemenda metin.
 

---

Íþróttir

Kennari:

Jóna Petra Magnúsdóttir

Markmið:

Sjá aðalnámskrá grunnskóla fyrir íþróttir og líkamsrækt

Nemendur á grunnskólaaldri eru á aldursskeiði sem einkennist af miklum vexti og örum þroska. Framvinda eðlilegs þroska, hvort heldur um er að ræða skyn- og hreyfiþroska, líkams- og fagurþroska eða félags-, tilfinninga og siðgæðisþroska, er að miklu leyti háð hæfilegri áreynslu og samspili markvissra æfinga og leikja. Með kerfisbundinni þjálfun eða útfærslu leikja er hægt að auka starfsemi líkamans og sinna mismunandi þroskaþáttum. Á því aldursskeiði, sem grunnskólinn nær yfir, er t.d. unnt, betur en síðar á ævinni, að auka hæfni hjarta og blóðrásar með markvissri þjálfun. Hið sama á við um atriði sem ná til skyn- og hreyfiþroska. Því er það eitt meginmarkmið skólaíþrótta að örva skyn- og hreyfiþroska hvers nemanda, þrek hans og afkastagetu og stuðla þannig að heilbrigði einstaklingsins.

Námsmat:

Skrifleg usögn og einkunnir. Virkni í tímum, píptest og mánaðarleg þrekpróf.



< Fyrri		Næsta >