Grunnskólinn á Stöðvarfirði

Í dag fór fram Balahlaup Grunnskólans á Stöðvarfirði, en þá hlaupa nemendur einn hring um Balann og er hlaupið orðinn fastur viðburður á vordögum.  
Á Yngsta stigi sigraði Kolbrún Björk Jónasdóttir í flokki stúlkna en hún hljóp á 3 mínútum og 17 sekúndum.  Í flokki drengja á Yngsta stigi bar Máni Þorsteinsson sigur úr býtum en hann hljóp á 3 mínútum og 10 sekúndum.
Á miðstigi vann Jónína Guðný Jóhannsddóttir kynsystur sína með því að hlaupa hringinn á 3:08 en Friðrik Júlíus Jósefsson var fljótastur drengja á 2:47.
Magda Malgorzata Pabisiak vann í flokki stúlkna á Elsta stigi en hún hljóp á 2:48 og Sólmundur Aron Björgólfsson vann flokk drengja með því að hlaupa umhverfis Balann á 2 mínútum og 28 sekúndum.

Einnig var keppt í hjólaþrautum og var keppt á tíma en fyrir hverja villu sem keppendur gerðu, var fimm sekúndum bætt við tímann. 
Máni Þorsteinsson vann í flokki drengja á Yngsta stigi og var með tímann 1:31,18.  en í flokki stúlkna sigraði Rakel Þorsteinsdóttir á 1:29,40.
Á Miðstigi sigruðu þau Jóhannes kristinn Hafsteinsson á 1:23,53 og Arney Hildur Margeirsdóttir sem fór brautina á 1:40,04.
Síðastir kepptu nemendur Elsta stigs og sigurvegari í flokki drengja varð Erlingur Snæþór Oddsson á 1:05,45 og Jórunn Dagbjört Jónsdóttir varð fljótust stúlkna á 1:22,65.

Hérna eru svo myndir frá deginum og ef þið viljið skoða myndirnar hverja fyrir sig, nægir að smella á "slædsýninguna" og mappan með þeim mun opnast líkt og fyrir töfra.