Þau voru kát, börnin á Yngsta stigi, sem luku við að sauma sér púða í handmennt í morgun.
Aftari röð frá vinstri: Sigurður Borgar Hrannarsson, Rakel Þorsteinsdóttir, Ösp Laufeyjardóttir og Dýrunn Elín Jósefsdóttir.
Fremri röð frá vinstri: Máni Þorsteinsson, Axel Eide Ingþórsson, Brynjar Björn Sveinsson og Kolbrún Björk Jónasdóttir.
Heimilisfræði er skapandi og skemmtileg námsgrein eins og sést á myndunum hér fyrir neðan en börnin á Yngsta stigi töfruðu fram fagurlega skreytt rúgbrauð, að sjálfsögðu innblásin af hafinu og nálægðinni við. Miðstig aftur á móti þæfði ull en það verður forvitnilegt að sjá hvað út úr því kemur að lokum. Afmælisbarnið og skólaliðin Eva María var ánægð með allt saman og brosti sínu breiðasta.
Íþróttadagur grunnskólanna í Fjarðabyggð var að þessu sinni haldinn á Fáskrúðsfirði. Allir skemmtu sér konunglega á meðan þeir þreyttu kappi í skák, stígvélasparki, skotbolta, ratleik, grettum eða tölvuleik, svo eitthvað sé nefnt.
En við tókum myndavélina með og hérna eru svipmyndir af krökkunum. Okkar börn eru flest eru klædd í gula boli:
Að venju var brugðið á leik í íþróttahúsinu á öskudaginn og sameinuðust Grunnskólinn á Stöðvarfirði og Leikskólinn Balaborg um það. Margt var til skemmtunar gert og endað á því að slá köttinn úr tunnunni, eða pappakassanum í okkar tilfelli þar sem erfitt er orðið að fá trétunnur og plasttunnur helst til seigar.
Nýverið heimsótti Jóhann Breiðfjörð skólann og sýndi nemendum hvernig nota má stýritækni í LEGO; tannhjól, mótora, gírun, lofttjakka og fleira. Jóhann vann sem hönnuður hjá LEGO og hefur haldið fjölda námskeiða um þessa kubba sem meira að segja fólk sem nú er miðaldra lék sér með í æsku. Hér eru myndir frá heimsókninni.
Í síðustu viku þreyttum við frumraun okkar í að halda svokallaða foreldraviku.
Hún var með því sniði að allir foreldrar voru boðnir velkomnir að koma og sitja í tímum með börnum sínum. Mætingin var mjög góð, allir foreldrar á Yngsta stigi mættu þessa viku og sumir oftar en einu sinni. Nokkrir foreldrar á Miðstigi og Elsta stigi litu líka inn.
