Foreldrafélag grunnskólans fyrirhugar að halda þorrablót föstudaginn 10. febrúar n.k. kl. 18:00 í grunnskólanum. Eins og venjulega mega nemendur bjóða venslafólki sínu. Til að panta megi hæfilegt magn matar, eru nemdur beðnir um að taka fram hve mörgum þeir ætli að bjóða. Aðgangseyrir er kr. 2500 fyrir fullorðna en kr. 1000 fyrir grunnskólabörn og frítt er fyrir yngri börn. Við minnum á að skila verður skráningamiðum, sem nemendur fengu með sér heim í síðustu viku, fyrir föstudaginn 3. febrúar.
Krakkarnir sem tóku heimilisfræði sem valgrein, kokkuðu upp dýrinds hádegisverð í dag. Því miður getum við hvorki fært ykkur lykt né bragð hérna en við getum sýnt ykkur kokkana og krásirnar.
Nemendur og Hanna Gréta heimilsfræðikennari (stendur fyrir miðju).
Piparkökuhús og furðuverur ýmiskonar eru ómissandi þáttur á aðventu og jólum. Hvort tveggja er framleitt í Grunnskólanum á Stöðvarfirði og á meðfylgjandi myndum má sjá nemendur vinna við framleiðsluna og afurðirnar:
Þeir voru hér á ferð, Aðalsteinn Ásberg og Svavar Knútur, og fluttu okkur dagskrá um líf og list Steins Steinar. Þeir röktu ævi hans, lásu og sungu ljóðin hans og voru bara allt um kring skemmtilegir.
Árshátíð Grunnskólans á Stöðvarfirði var haldin í gærkvöldi og lukkaðist bara svona ljómandi vel. Hérna er kyrrmyndasýning frá hátíðinni og ef til vill munu verða birtar hér innan skamms, hreyfimyndaupptökur af leikritum barnanna.
